Среда, 14 февраля 2018 17:32

Алматы облыстық комитетінде «Қазақстандағы инфляция. Келер жылдан не күтеміз?» тақырыбында қоғамдық пікірталас өтті

Оцените материал
(0 голосов)

14 ақпан күні ҚКХП Алматы ОК кеңсесінде «Қазақстандағы инфляция. Келер жылдан не күтеміз?» тақырыбында қоғамдық пікірталас өтті.  ҚКХП обкомының екінші хатшысы О.Ибрагимов өзінің  баяндамасында инфляция  мен жалақының деңгейі туралы ресми мәліметтерге тоқталып өтті.  Талқылау барысында ресми статистиканың шынайы болмыстан алшақ екендігі белгілі болды. Себебі әрбір қатысушы өзінің жеке табысы мен жалақысына негізделіп қорытынды жасады.

Өкінішке орай,  пікірталасқа Талдықорған қаласының кәсіпкерлік бөлімінің өкілдері қатыспады. Бірінші хатшы С.Биғарова Қазақстан Коммунистік Халық партиясының  отандық тауарға деген тұтынушылық сұранысты ынталандыру бағдарламасымен бірге кедейлікпен күресу бағдарламасын енгізу туралы идеясын мәлімдеді. Коммунистер бұл бастама  кедейлік және табыстардың жіктелуімен күресудің бірден бір механизмі болады деп санайды.  Идеяның мақсаты халықтың  әлеуметтік жағынан осал тобының банк карточкаларына мемлекеттен ай сайын белгілі бір сомма аудып отыру. Ол ақшаға олар отандық өнімдер сатып ала алады.

Еңбек ардагері И.Левченко бұған дейін   халықтың  әлеуметтік жағынан осал тобын қолдау мақсатында азық-түлік талондары енгізілгендігін еске түсірді. Зейнеткер ол үшін бұл әжептәуір көмек болғанын да жасырмады. Ең бастысы дұрыс механизм, яғни көмек тиісті адресатқа жетуі тиіс. Ал отандық өндірушілерді қолдау үшін бағаларды дұрыс реттеу қажет.

Сонымен қатар кездесу барысында ҚКХП құрамына жаңа мүше қабылданды.

ҚКХП Алматы облыстық комитеті

Almaty3Almaty3Almaty3Almaty3Almaty3Almaty3Almaty3Almaty3

Прочитано 69 раз

Яндекс.Метрика

© 2017 Қазақстан Коммунистік Халық партиясының ресми сайты. Барлық құқықтар қорғалған.