Балаларды қорғау күні ҚКХП Алматы облыстық комитетінің белсенділері Талдықорған қаласының облыстық зерде бұзылыстары бар балаларға арналған арнайы мектеп-интернаты» МҚМ-ге барды.

Халық коммунистері түлектерді мектеп бітіруімен құттықтады. Балалар интернатта өмірлерінің көп бөлігін – бірінші сыныптан тоғызыншы сыныпқа дейін өткізді. Биылғы Балаларды қорғау күні олар үшін балалықпен қоштасу күні болды. Олар үлкен кісілерше өздерінің болашаққа деген жоспарларымен бөлісті, шығармашыл, спорттық жетістіктері туралы әңгімеледі, өмір туралы көзқарастарын жеткізді. Сыйланған тәттілер мен кәдесыйларға балаша қуанды.

31 мамыр күні Атырауда «Нұр Отан» партиясы жанынан «Қазақстан Республикасы Президентінің бес әлеуметтік бастамасын» іске асыру сапасын бақылау үшін құрылған Қоғамдық кеңестің бірінші отырысы өтті. Кеңес құрамында отырысқа ҚКХП Атырау ОК бірінші хатшысы Е.Г.Дәулетқазиев қатысты.

1 маусымда Атырауда Исатай мен Махамбет алаңында Халықаралық балаларды қорғау күніне арналған мерекелік іс-шара болды. Бірінші хатшы Е.Г.Дәулетқазиевтың басшылығымен ҚКХП Атырау облыстық комитетінің белсенділері мен мүшелері мерекеге қатысып, балаларды құттықтады.

Қаланың басты алаңында өткен шығармашыл ұжымдардың шеруінде 2,5 мыңнан астам адам қатысты. Облыстың шығармашыл ұжымдары халықтың назарына керемет музыкалық және хореографиялық композициялар мен флешмоб ұсынды.

Шараға қала халқы, репрессия құрбандарының ұрпақтары, мәжіліс депутаттары және т.б. қатысты. Олардың ішінде ҚКХП АОФ бірінші хатшысы Ж.А.Молдашев  та болды.

Ашаршылық және саяси қуғын-сүргін құрбандарына арналған ескерткіш жиналған жұртты сол бір жылдардың тарихымен тағы бір таныстырды.

ҚКХП Солтүстік Қазақстан облыстық комитетінің саяси көшбасшылық мектебінде Қазақстан Республикасы Президенті Н.Ә.Назарбаевтың бес әлеуметтік бастамасын талқылауға арналған кезекті кездесу өтті. Кездесу қатысушылары облыстық комитеттің Жастар қанатының мүшелері мен М.Жұмабаев атындағы Петропавл гуманитарлық колледжі студенттері болды.

Басты талқыланған тақырыптың бірі Мемлекет басшысының жоғары білім сапасы мен қолжетімділігін арттыруға бағытталған үшінші бастамасы болды. Облыстық комитеттің бірінші хатшысы Сергей Мартемьянов грант санының, соның ішінде техникалық мамандықтар бойынша грант санының артуы өндірістегі кадрлық құрамның, әсіресе инженерлік-техникалық жұмысшылардың жасаруына, жастар арасындағы жұмыссыздық деңгейінің төмендеуіне ықпал ететінін атап айтты.

31 мамырда Қазақстан Коммунистік Халық партиясының Батыс Қазақстан облыстық комитетінің жетекшілері бірінші хатшы Сүйінғали Сәрсенғалиұлының басшылығымен Теректі ауданына жұмыс сапарымен барды.

Коммунистер ауыл тұрғындарымен оларды «Халық коммунистері» фракциясының ауылдық аумақтарды дамыту мәселесі бойынша депутаттық сауалымен және осы мәселеге қатысты ҚКХП Орталық Комитетінің мәлімдемесімен таныстыру, сондай-ақ ауылдағы өмір сүру жағдайы мен мәселелерін анықтау мақсатында кездесті.

Яндекс.Метрика

© 2017 Қазақстан Коммунистік Халық партиясының ресми сайты. Барлық құқықтар қорғалған.