Среда, 12 сентября 2018 13:01

Қазақстан Республикасының Премьер-министрі Б.Ә. Сағынтаевқа Депутаттық сауал Избранное

Оцените материал
(0 голосов)

 

 

 

 

 

 

Қазақстан Республикасының Премьер-министрі Б.Ә. Сағынтаевқа

Қазақстан Республикасының  Ұлттық Банк төрағасы Д.Т. Ақышевке

Депутаттық сауал

Құрметті Бақытжан Әбдірұлы!

Құрметті Данияр Талғатұлы!

 Ұлттық валютаның қазіргі таңдағы әлсіреуіне Үкімет те, Ұлттық банк та көптеген түсініктемелер берді: АҚШ долларының жалпы нығаюы, дамыған нарықтардан қаражаттың жылыстауы, антиресейлік санкциялар. Сыртқы жағдайларға жасалынған сілтемелер шынайы болмысты көлегейлеп тұр. Қазіргі стратегияға сүйенсек, болып жатқан үдерісті пассивті түрде бақылап, келесі жағдайға, яғни Ұлттық банктің болжамы бойынша инфляцияның өсіміне дайындалу қажет.

Ал халық бұған тек моральды тұрғыдан ғана дайындалуы тиіс, себебі олардың басым бөлігінің табысы тіркелген, олардың жылдам өсіміне үміт арту қажет болмай тұр. Пассивті түрде бақылау саясаты қисынсыз, себебі белсенді іс-әрекеттер жасау мүмкіндігі де бар болып тұр. Ұлттық банк  бағамның құбылмалылығын жүгендей алмаса, онда барлығымызға қазақстандықтар үшін кері салдарын минимизациялау үшін жағдай жасау қажет.  

Ең алдымен зейнетақы салымдары мен ұлттық валютадағы депозиттерді қорғау қажет.  Қазіргі таңда зейнетақы салымдары тек қана теңгеде жүргізіледі, мемлекет дедолларизацияны жариялау арқылы банктік салымдарды да теңгеде жасауды құптайды.

Коммунистер мұндай жағдайда мемлекет зейнетақы мен азаматтардың жеке жинақтарын құнсызданудан қорғауды қамтамасыз етуі тиіс деп санайды. Мұны валюталық кепілдік арқылы жасауға болады – бағамға бекіту индексациясы арқылы. Бұл бір жағынан халықтың жинақтарын сақтайды, азаматтардың ұлттық валютаға және жалпы экономикаға деген сенімдерін арттырады, екінші жағынан мұндай шара мемлекетті валюталық нарықтағы алып-сатарлық ойындарға қатал болуға ынталандырады. Жалпы алғанда біз болжамды және түсінікті ортаға ие боламыз, бұл өз елі мен болашағы үшін салымдар жасау үшін кәсіпкерлік пен халықтың көңіл-күйі үшін өте маңызды.

 Индексация үшін қаражатты қайдан аламыз деген сұраққа өзіміздің мынадай есептеулер нұсқасын ұсынғымыз келіп отыр. Егер де теңге бағамы екі жылдық минимумға дейін түсіп кетсе, мұнай құны төрт жылдық максимумға көтерілгендігін ұмытпау қажет, себебі мұнай теңге бағамын анықтайтын фундаменталды фактор бола тұра валюталық түсімнің басты ағынын қалыптастырады. Біздің экономиканың жүйе қалыптастырушы саласы үшін таптырмас жағдай қалыптасып отыр – экспорттық валюталық түсім мен теңгелік  шығындар арасындағы максималды «вилка», бұл өндірушілер үшін өте тиімді.

 Екі жыл бұрын мұнай баррелі 45 доллар тұрған, ол бір доллар 340 теңге бағамы жағдайында 15300 теңгені құраған. Бір жыл бұрын баға 50 доллар болды, сол бағам жағдайында 17000 теңге болды. Қазіргі таңда мұнай бағасы 80 долларға жетті, ал теңге бағамы 380 долларға дейін түсіп кетті.  Нәтижесінде әрбір баррель мұнай саласына 30 400 теңге әкеліп отыр, бұған қоса ештеңе өзгермегенін есепке алыңыз. Біздің санауымыз бойынша, елдің барлық мұнай экспорты ауқымында мұндай конъюнктура есебінен ғана жылдық үстеме шамамен 3 триллион теңгені құрайды және бұл ұлттық валютаның әлсіреуінен туындаған шығындарды өтеу үшін жеткілікті сомма.

«Халық коммунистері»

фракциясының депутаттары:                                                                                                            А. Қоңыров

                                                                                                                                                    Ж. Ахметбеков

                                                                                                                                                    Г. Баймаханова

                                                                                                                                                    В. Косарев

                                                                                                                                                    М. Магеррамов

                                                                                                                                                    И. Смирнова

                                                                                                                                                    Т. Сыздықов

Прочитано 17 раз

Яндекс.Метрика

© 2017 Қазақстан Коммунистік Халық партиясының ресми сайты. Барлық құқықтар қорғалған.