Сәрсенбі, 30 Қаңтар 2019 17:15

Депутаттық сауал Избранное

Оцените материал
(0 голосов)

Қазақстан Республикасының

Премьер-Министрі

Б.Ә. Сағынтаевқа

Депутаттық сауал

Құрметті Бақытжан Әбдірұлы!

Бұл депутаттық сауал жүйке-бұлшық ет ауруларымен, миопатия, арқа бұлшық ет атрофиясы, туа біткен миастения және т.б. ауруға шалдыққан азаматтарымызға қатысты.  Бұл аурулар бұлшық ет тіндерінің ыдырауымен байланысты. Салдарынан науқас адам қозғала алмаумен қатар, өз еркімен дем ала алмайды. Мұның барлығы білікті маман көмегімен, материалды және техникалық жағдаймен қамтамасыз етілмеген жағдайда түбі өлімге алып келеді.

Біз, коммунистер Үкімет тарапынан шешуді талап ететін бірқатар мәселелерге назар аудартып отырмыз.

Жүйке-бұлшық ет дертінің түрін анықтау үшін генетикалық талдауды тапсыру мәселесі өзекті болып тұр.  Тізімдегі барлық ауру түрінен Дюшен миопатиясы мен арқа бұлшық ет атрофиясына ғана мемлекеттік диагностикалық орталықтарда талдау жүргізіледі. Оның өзі Астана мен ішінара Алматы қалаларында жүргізіледі.

Талдаудың басқа жағдайларында талдау тапсыру мен талдау қорытындыларын түсіндіру үшін шетелге шығу қажет. Шетелге шығу және балаларды қарату үшін ата-аналар өздері шығындалады. 

Қазіргі кезде жүйке-бұлшық ет ауруының диагнозы генетикалық тұрғыдан анықталған жағдайда мүгедектік мерзімі екі жылға белгіленеді. Әрбір екі жыл сайын мүгедектікті растап отыру қажет. Мүгедектікті рәсімдеу барысында құжаттар тапсырылған соң Медико-санитарлық сараптама  төрт айға дейін уақытты шегертеді, бірақ мұның жазылмайтын дерт екені белгілі. Бұл төрт ай ішінде мүгедектік бойынша жәрдемақы төленбейді.

Жоғарыда айтылғандарды ескере отырып, 30.01.2015 ж. №44 Медико-санитарлық сараптама жүргізу ережелерін қайта қарастыруды, себебі оңалу потенциалы жоқ жүйке-бұлшық ет ауруларына шалдыққан науқастар мүгедектікке тіркелу үшін төрт ай күтуге мәжбүр; жүйке-бұлшық ет диагнозы анықталған жағдайда аралық қайта куәландырусіз 16 жасқа дейін, ал 18 жасқа толғанда мерзімі шектелмеген мүгедектікті тағайындауды; орфанды диагноз тізімін Дюшен миопатиясы және т.б. жүйке-бұлшық ет аурулары диагнозымен толықтыруды; орфанды препараттар тізімін аурудың дамуын тежейтін және балаларды бір қалыпты жағдайда ұстайтын Дефлазюкорт дәрі-дәрмегімен толықтыруды; ауруханалардың неврология, пульманология бөлімдерін  өмірлік маңызы бар қажетті құрал-жабдықтармен жабдықтауды ұсынамыз.

Бұл аппараттардың Қазақстандағы бағасы 3-5 миллион теңгеге дейін жетеді. Мұндай бағаны кез келген отбасы көтере алмайды. Мәселе аппараттарды сатып алумен шектелмейді. Оны ұстау мен баптау да қаражатты талап етеді.  Бүгінгі таңда ата-аналар аппараттардың баптауларын шетелдік мамандардың көмегіне жүгініп интернеттен арқылы жасатады. Қазақстанда  бұл аппараттарды жетік білетін мамандар жоқ. Сонымен қатар үш айда бір рет бару мүмкіндігін беретін оңалту орталықтарына тегін квота ұсыну мүмкіндігін қарастыруды ұсынамыз. Әзірге мұндай мүмкіндік жылына бір рет берілген.  Ата-аналар кезектерін күте алмай, массаж, бассейн, ЛФК-ны ақылы түрде өтіп жатады. Мысалы, ай сайынғы бассейн шығыны 40 мың теңгені, ал толық оңалту курсы айына 200-400 мың теңгені құрайды. Ал мүгедектік бойынша берілетін жәрдемақы мен мүгедек бала күтіміне берілетін жәрдемақы 73 мың теңгені құрайды.

Депутаттық сауалға жауапты жазбаша беруіңізді сұраймыз.

Құрметпен,

«Халық коммунистері»

фракциясының депутаттары:

М. Магеррамов

Ж. Ахметбеков

Г. Баймаханова

А. Қоңыров

В. Косарев

И. Смирнова                                  

Т. Сыздықов

«Нұр Отан»  фракциясының депутаты:

З.Балиева

30 қаңтар 2019 жылы жарияланды

Прочитано 159 раз
Другие материалы в этой категории: « ДЕПУТАТТЫҚ САУАЛ Депутаттық сауал »

Яндекс.Метрика

© 2017 Қазақстан Коммунистік Халық партиясының ресми сайты. Барлық құқықтар қорғалған.